Абдикеримова Гульжанар Иманбаевна
Экономика ғылымдарының кандидаты, Инженер–экономист
Экономиканы болжау және жоспарлау
Курс туралы ақпарат
Нарықтық қатынас жағдайда әлеуметтік-экономикалық үдерістерді болжау қажеттілігі күннен күнге артып келеді. Тиімді басқарушылық шешімдерді қабылдауда, ел, сала, аймақ, кәсіпорын және ұжым экономикасының баламалы дамуын және стратегиясын қалыптастыруда көрсеткіштердің көп нұсқалы болжам есептеулерін жүргізу қажет болып отыр. Бұл болса өз кезегінде нарық қатынастары анықтаған жаңа тәсілдерді ескере отырып, болжау мен жоспарлаудың теориялық, әдістемелік және ұйымдастырушылық негіздерін терең зерттеуді қажет етеді. Бұл пән болжау мен жоспарлаудың теориясы мен оны ұйымдастыру мәселелерін, шетел тәжірибесін, сонымен қатар экономиканы басқарудың барлық деңгейінде қолданылатын көрсеткіштерді болжамды есептеуді жүргізудің әдістемелік негіздерінен қарастырады. Экономиканы болжау мен жоспарлаудың теориялық, әдістемелік және ұйымдастырушылық негіздері, экономикалық өсудің қарқыны, экономика құрылымы, баға, инфляция, қаржы, әлеуметтік даму, тұтыну нарығы, инвестиция, инновацилық іс-әрекет, өндіріс салалары бойынша мәселелер қарастырылған.
Бұл пәннің мақсаты әлем тәжірибесін ескере отырып, нарықтық жағдайда экономиканы болжау және жоспарлауда нақтылы мәселерді шешуде болашақ мамандардың теория жағынан білімі мен тәжірибелік дағдысын қалыптастыру болып табылады.
Студенттерге қойылатын талаптар
Студент семестр бойы оқытушы ұсынатын тапсырмаларды орындауы керек, оның тізімін оқытушы белгілейді, ал тапсырмалар саны пән бойынша кредит көлемімен анықталады. Ағымдағы аптада тапсырмаларын дер кезінде орындамаған жағдайда бағасы 20% төмендетіледі.
Курс авторы