Курс жайлы ақпарат
Саясаттану және Мәдениеттану пәндері «Әлеуметтік-саяси білімдер – 2» модулінің құрамында 1-апта мен 15-апта аралығында аралас форматта оқытылады. Бұл пәндер бойынша лекциялар «Төңкерілген сынып» форматында берілген. Видеолекцияларға сілтемелер курстың құрылымдық мазмұнында силлабусқа сәйкес тақырып бойыша көрсетілген. 1-8 апталарда «Саясаттану» пәні, ал 9-15 апталарда «Мәдениеттану» пәні оқытылады.
Саясаттану пәні бойынша: 8 видеолекциялар, 12 семинар, 3 СӨЖ тапсырмалары қарастырылған. Яғни, студенттер өз бетінше берілген тапсырмаларды орындайды.
Мәдениеттану пәні бойынша: 7 лекция, 11 семинар, 3 СӨЖ тапсырмалары қарастырылған. Яғни, студенттер өз бетінше берілген тапсырмаларды орындайды.
.
Саясаттану пәнінің мақсаты мен міндеттері:
Қоғам, саясат жайлығылыми негізделген, дәйекті теориялық білімберу, студенттер санасында саясиұғымдық ақпаратты қалыптастыру арқылы студенттердің саяси дүниетанымы мен саяси мәдениетін жетілдіру. Әлемдегі саяси жағдайлар мен Қазақстандағы саяси процестерді ұғынып, бағдарлай алуға, қоғам мен саясат жайлы өзінің дәйекті азаматтық ұстанымын қалыптастыруға ықпал ету.
Мәдениеттану пәнінің мақсаты мен міндеттері:
Әлемдік мәдениет пен өркениет контексінде отандық мәдениеттің даму ерекшелігінің мәнін ұғындыру, мәдениет морфологиясын, тілін, семиотикасын, мәдениет анатомиясын зерделеуді қалыптастыру. Ұлттық кодын сақтау және жаңғырту қажеттілігіне сай отандық мәдениетті түсіндіру, қазақ халқының мәдени мұрасын игеру стратегиясын меңгеру мақсатында өзгермелі және мультимәдени қоғамда кәсіби біліктілікті қалыптастыру. Студенттердің бойында адамзаттың мәдени жетістіктері туралы білімдердің, мәдениет дамуының және қалыптасуының негізгі заңдылықтары мен формаларын түсіну мен игеруді қалыптастыру.
Саясаттану пәні бойынша бағалар 4,6,8 апталарда, ал Мәдениеттану пәні бойынша бағалар 10,12,14 апталарда мәліметтер базасына пайыздық мөлшермен 0-100% балдық-рейтингтік көрсеткіш бойынша қойылады. Оқу процесін бақылап-тексеру үшін Саясаттану пәні бойынша 8-ші аптада бірінші аралық бақылау (АБ 1), Мәдениеттану пәні бойынша 14-ші аптада екінші аралық бақылау (АБ 2) өткізіледі. Саясаттану пәні бойынша 4,6,8 апталардағы, Мәдениеттану пәні бойынша 10,12,14 апталардағы максималды балдардың қорытындысы бойынша аралық бақылаудың жинақ балы - 30 балды ( 100%-ға дейін) құрайды. Тапсырмаларды бағалау – бақылау кестесіне сай жүргізіледі.
Екі пән бойынша қорытынды бақылау формасы – тест.
Студенттерге қойылатын талаптар
Cтудент семинар сабақтарына қатысуға, сабаққа кешікпей келуге міндетті.
Әр аптадағы семинар сабақтарына студент оқытушы тарапынан әзірленген видеолекциялар, презентациялар, лекция конспектілерін және силлабуста берілген негізгі, қосымша әдебиеттерді пайдалана отырып, тыңғылықты дайындалуы тиіс.
Силлабусқа сәйкес студент университеттің ресми «LMS-Сириус» порталына орындаған СӨЖ тапсырмаларын белгіленген уақытқа сай (Deadline) жіберіп тұру міндетті.
Уақыт өтіп кеткеннен кейін орындалып, тапсырылған тапсырмалар қабылданбайды және орындалған болып есептелмейді. Толық интеграцияланған баға студент барлық сабақтарға қатысып, тапсырмаларды толық орындаған жағдайда ғана қойылады.
